तुझी आज आठवण झाली ...

तुझी आज आठवण झाली
पाऊसाचे थेंब ओंजळीत घेताना...
अंगावरती शहारे आले
मऊशार दाट धुक्यातून जाताना...
                   डोळ्यासमोर एकच चेहरा
                   प्रत्येक दिवस सरताना...
                   अगदीच हळवा होतो मी
                   तुझ्या आठवणींचं गणित मांडताना...
तुझी आठवण हेच जगणं झालयं...
तुझी आठवण हेच जीवन झालयं
आज खूपच एकटं वाटतयं
गतकाळात डोकावून पाहताना...
                   तु नसल्याचं सत्य मला सलत राहतं
                   मन मात्र आठवणींच्या झोपाळ्यावर झुलत राहतं...
                                              लेखन :- गणेश गायकवाड